Bu kimdir?..

Yurda baxma,yuvana bax,
elə baxma,obana bax,
qurda baxma,çobana bax-
Bu kimdir,Allah,bu kimdir?
**********
Ali,Ulu sözü yorur,
addımına tələ qurur,
aqillikdən hey dəm vurur-
bu kimdir,Allah,bu kimdir?
*************
Cavanşiri yada salır,
Nəsimini oda salır,
Xətaini ata sayır-
bu kimdir,Allah,bu kimdir?
***********
Könlündə murazı ağlar,
qışı ağlar,yazı ağlar,
tək qalıb-Arazı ağlar-
bu kimdir,Allah,bu kimdir?
***********
Çək,saçına dara dərdi-
ürəyinə yara-dərdi...
Qarabağın qara dərdi....
....Bu kimdir,Allah,du kimdir?!!
**********
Gözünü bağlaüacaq o
niyə yas saxlayacaq o?..
Nə qədər ağlayacaq o-
bu kimdir,Allah,bu kimdir?
**********
...Qəzəbindən qıc gələcək,
belində yapınc gələcək,
əlində qılınc gələcək-
(eşidəcəm deyəcəklər)
**Bu kimdir Allah bu kimdir**?!!
**********
Toyunda oynayacağıq,
Sevincdən ağlayacağıq,
hay vurub cağlayacağıq-
bu kimdir,Allah,bu kimdir.....