Yada düşür

Nə eşitdim qəm dinəndə-?
qırıq səslər yada düşür.
Yaddaşın o tərəfində
qalan kəslər yada düşür...

Göz dinir çıraq görəndə,
qürrələnir dağ görəndə.
Kim dedi-bulaq görəndə
göy dənizlər yada düşür?..

Xeyir şərə qarışanda,
Haqq yalanla yarışanda,
ədalətdən danışanda
adi sözlər yada düşür...

Qəddimizi zaman əyir,
ötənə bax-sənə deyir...
Könlümüzə tikan dəyir-
ala gözlər yada düşür...

Usta sazı ələ alıb-
  Ürəyimə ümüd salıb-
 Əgər harda hörmət qalıb-
orda bizlər yada düşür!