Mehi oxşadı saçımı-
üzüm Vətən torpağında.
Xəyalım gəlib çatardı-
özüm Vətən torpağında.
x x x x x
Uca dağları qüdrətim,
niyə qayğısı sərvətim.
İkibaşlı həqiqətim,
düzüm Vətən torpağında.
x x x x x
Dərələri duman qapır,
hər qayası külək tapır.
Üstündə yağı at çapır-
dözüm Vətən torpağında.
x x x x x
Bulağı cənnətdən axır
suyunu yarama yaxır...
Ürəyim göylərə baxır,
gözüm Vətən torpağında.
x x x x x
...Həsrətiydi ağır yüküm-
məni də tozuna bükün:
Göyərəcək bəlkə bir gün
sözüm Vətən torpağında.
Hiç yorum yok:
Yorum Gönder